Joriy yilning 19-noyabr sanasida yangi tashkil etilgan “Uz AeroTech Group” Airlines resident aviakompaniyasining ilk sinov parvozi Farg`ona Xalqaro aeroporti tomon bo`ldi. Muvaffaqqiyatli tarzda Toshkent-Farg`ona-Toshkent yo`nalishida amalga oshirilgan parvozga bevosita Aviakompaniya rahbariyati ham ishtirok etganligini nazorat sinov parvozi uchun muhim jihat hisoblanadi. 

   Ma`lumot o`rnida aytadigan bo`lsak, bugun Mamlakat rahbariyati va hukumatimiz tomonidan fuqaro aviatsiyasi sohasidagi islohotlarga katta e'tibor qaratilmoqda. Xususan, O'zbekiston Respublikasi Prezidentining 2018 yil 27 noyabrdagi "O'zbekiston Respublikasi fuqaro aviatsiyasini tubdan takomillashtirish chora-tadbirlari to'g'risida" gi PF-5584-sonli farmoni ayni masalada tashlangan katta qadam bo`ldi.

Xuddi shu yili, havo transportiga bo'lgan o'sib borayotgan talabni qondirish uchun mamlakatimiz tadbirkorlari tomonidan "UzAeroTechGroup" aviakompaniyasi tashkil etildi, u Vazirlar Mahkamasining 2016 yil 1 martdagi 58-sonli qaroriga muvofiq Agentlik tomonidan muvaffaqiyatli sertifikatlandi. Uzaviatsiya kompaniyasi O'zbekistonda birinchi bo'lib 2020 yil 20 fevralda Fuqaro aviatsiyasi operatorining 10-O sonli sertifikatini oldi.

Dastlabki bosqichda aviakompaniya 2 ta Il-76TD samolyotini sotib oldi, ushbu samalyotlar O'zbekiston Respublikasi Fuqarolik aviatsiyasi davlat reestriga kiritilganidan so'ng Xitoy, Turkiya, BAA, Rossiya, Belorussiya va Ozarbayjonga xalqaro yuk tashishlarini xavfsiz bajarish uchun ICAO talablariga muvofiq texnik xizmat ko'rsatish, ta'mirlash va modernizatsiya qilish bo'yicha zarur ishlar kompleksi amalga oshirildi.

Ushbu turdagi samolyotlar uchun instruktor-uchuvchilar yo'qligini hisobga olib, O'zbekiston va Rossiya Federatsiyasi o'rtasida imzolangan shartnomalar va bitimlar doirasida "M.M. Gromova nomidagi Parvozlar tadqiqot instituti” tomonidan aviakompaniya parvoz xodimlarining kasbiy tayyorgarligi ta'minlanmoqda.

Aviakompaniya rahbariyati parvoz xodimlarini tayyorlashning har bir bosqichi sifatini shaxsan o'zi nazorat qiladi va o'qitish va sinov parvozlarida bevosita ishtirok etadi.

Quvonarli jihati shundaki, kompaniya UAT MChJ o'zining aviatsiya texnik bazasiga ega bo'lib, bu unga xavfsiz parvoz operatsiyalari uchun zarur bo'lgan barcha turdagi samolyotlarga texnik xizmat ko'rsatish va ta'mirlashni amalga oshirishga imkon beradi.

Kelgusida kompaniya rahbariyati parvozlar geografiyasini kengaytirish va yuklarni tashish hajmini oshirish uchun samolyotlar parkini Boeing 767-300 va Boeing 747-8F samolyotlari bilan yuk ko'tarish qobiliyati 52 tonnadan 110 tonnagacha bo`lgan samalyotlar bilan to'ldirishni rejalashtirmoqda.

"UzAeroTechGroup" aviakompaniyasining faoliyati, tovarlarni tadbirkorlarga o'z vaqtida yetkazib berishdan tashqari, mehnat bozoriga foydali ta'sir ko'rsatishi ham bor gap. Xususan, aviakompaniyada yuqori malakali parvoz va muhandislik xodimlari uchun 40 dan ortiq ish o'rinlari yaratilgan bo’lib kelgusida mazkur ko`rsatkich yana oshirilishi rejalashtirilgan.

Kompaniya rahbariyati yuklarni tashish bilan bir qatorda O'zbekiston Respublikasida aviatsiya sanoatining boshqa sohalarini rivojlantirish uchun sarmoya kiritish imkoniyatlarini ham ko'rib chiqmoqda.

Farg`ona xalqaro aeroporti matbuot xizmati.